ក្នុងនាមជាក្រុមហ៊ុនអភិវឌ្ឍអចលនវត្ថុដ៏ឈានមុខមួយនៅប្រទេសកម្ពុជា ក្រុមហ៊ុន វ៉ាន តៃ ដា ហូលឌីង ឯ.ក បន្តចូលរួមជួយសហគមន៍មូលដ្ឋាន និងលើកកម្ពស់សុខុលមាលភាពប្រជាពលរដ្ឋ។ខាងក្រោមនេះជាគម្រោងសំខាន់ៗ ដែលក្រុមហ៊ុនបានចូលរួមឧបត្ថម្ភនាពេលកន្លងមក។
ទន្ទឹមនឹងឱកាសអបអរសាទរ ទិវាជាតិគ្រប់គ្រងគ្រោះមហន្ដរាយបានឈានមកដល់ ក្រោមមូលបទរួមគ្នា លើកកម្ពស់តុល្យការសកម្មភាពមូលដ្ឋានីយកម្ម សម្រាប់ភាពធន់ និងគ្រោះមហន្ដរាយ ក្រុមហ៊ុន វ៉ាន តៃ ដា ហូលឌីង ឯ.ក បានចូលរួមចំណែកជាមួយគណៈកម្មាធិការជាតិគ្រប់គ្រងគ្រោះមហន្តរាយ ក្នុងកិច្ចការងារសង្គ្រោះប្រជាជនកម្ពុជា ដោយបានចូលរួមឧបត្ថម្ភទឹកប្រាក់ចំនួន ពីរម៉ឺនដុល្លារ (២០,០០០ ដុល្លារ) សម្រាប់ជួយគាំទ្រនូវឧបករណ៍ និងសម្ភារៈសង្គ្រោះលើផ្ទៃទឹក ។
ចូលរួមអបអរសាទរព្រះរាជពិធីបុណ្យអ៊ុំទូក បណ្តែតប្រទីប និងសំពះព្រះខែ អកអំបុក
ក្រុមហ៊ុន វ៉ាន តៃ ដា ហូលឌីង ឯ.ក បានបរិច្ចាគទឹកប្រាក់ចំនួន ២០០០ ដុល្លារ ជូនដល់រដ្ឋបាលខណ្ឌចំការមន ដើម្បីយកមកប្រើប្រាស់ក្នុងឱកាសអបអរសាទរព្រះរាជពិធីបុណ្យអ៊ុំទូក បណ្តែតប្រទីប និងសំពះព្រះខែ អកអំបុក។
នាយកប្រតិបត្តិនៃ ក្រុមហ៊ុន វ៉ាន តៃ ដា ហូលឌីង ឯ.ក លោក CAI ZHONG បានចូលរួមរៀបចំព្រឹត្តិការណ៍កីឡា SEA Games-ASEAN Para Games 2023， ព្រឹត្តិការណ៍នេះទទួលបានជោគជ័យដ៏ត្រចះត្រចង់ និងជាកិត្តិយស កិត្យានុភាពជាតិ ដ៏ឧត្តុង្គឧត្តម។
ឧបត្ថម្ភកងទ័ពជួរមុខ ដែលការពារប្រាសាទព្រះវិហារ
តបតាមការអំពាវនាវរបស់រដ្ឋបាលខណ្ឌចំការមន ក្រុមហ៊ុន វ៉ាន តៃ ដា ហូលឌីង ឯ.ក បានឧបត្ថម្ភទឹកបរិសុទ្ធចំនួន ១០០ កេះ ជូនដល់រដ្ឋបាលខណ្ឌចំការមន ដើម្បីយកទៅចុះជួយឧបត្ថម្ភកងទ័ពជួរមុខ ដែលឈរជើងការពារទិសប្រាសាទព្រះវិហារ ស្រុកជាំក្សាន្ត ខេត្តព្រះវិហារ។